ଆଲୋଚନା ହୋଇଛି । ସମସ୍ତ କ୍ଷେତ୍ରରେ କେନ୍ଦୁଝରର ବିକାଶ ପାଇଁ କିଭଳି କାର୍ଯ୍ୟ ହୋଇ ପାରିବ ତାହା ଏହି
ଆଲୋଚନାର କେନ୍ଦ୍ର ବିନ୍ଦୁ ରହିଥିଲା । କେନ୍ଦୁଝର ସଂସଦୀୟ ନିର୍ବାଚନ ମଣ୍ଡଳୀର ସ୍ଵାସ୍ଥ୍ୟ କ୍ଷେତ୍ର ସମେତ ଶିକ୍ଷା, ଗମନାଗମନ, ଖଣି ସମେତ ଅନେକ ବିଷୟ ଉପରେ ବିସ୍ତାର ପୂର୍ବକ ଆଲୋଚନା ହୋଇଛି । ଏହି ଅବସରରେ ଜିଲ୍ଲାରେ ଏକ ମେଗା ଷ୍ଟିଲ ପ୍ଲାଟ କିପରି ପ୍ରତିଷ୍ଠା ହୋଇ ପାରିବ ସେ ନେଇ ମଧ୍ୟ ବିଚାର ବିମର୍ଶ ହୋଇଛି । କେନ୍ଦୁଝର ସଂସଦୀୟ କ୍ଷେତ୍ରରେ ଥିବା ବିଦ୍ୟାଳୟ, ମହାବିଦ୍ୟାଳୟ ମାନଙ୍କରେ ଶିକ୍ଷାର ସ୍ତରରେ କିପରି ସୁଧାର ଆସିବ, ସ୍ବାସ୍ଥ୍ୟ କ୍ଷେତ୍ରରେ କିଭଳି ଗୁଣବତ୍ତା ବଢିବ ସେ ନେଇ ମଧ୍ୟ ଆଲୋଚନା ହୋଇଥିଲା । କେନ୍ଦୁଝର ଜିଲ୍ଲାରେ ରାସ୍ତାଘାଟ ସମ୍ପର୍କରେ ରହିଥିବା ସମସ୍ୟା ଓ ଏହାକୁ କିଭଳି ଦୂର କରାଯାଇ ପାରିବ ସେ ନେଇ ମଧ୍ୟ ବୈଠକରେ ଆଲୋଚନା ହୋଇଥିବା ଶ୍ରୀ ନାୟକ ପ୍ରକାଶ କରିଛନ୍ତି । କେନ୍ଦୁଝରର ଲୋକ ମାନେ କିଭଳି ସହଜରେ ନ୍ୟାୟ ପାଇ ପାରିବେ ଓ ପ୍ରଶାସନିକ ସ୍ତରରେ ସେମାନଙ୍କର ସମସ୍ୟାର ଶୀଘ୍ର ସମାଧାନ ହୋଇ ପାରିବ ସେ ନେଇ ମଧ୍ୟ ବୈଠକରେ ଚର୍ଚା ହୋଇଥିବା ସେ କହିଛନ୍ତି ।