ଏହି ଅବସରରେ ଟାଟା ଷ୍ଟିଲର ଯୋଡା ମୁଖ୍ୟ ରାଜେଶ କୁମାର ସମ୍ମାନିତ ଅତିଥି ଭାବେ ଯୋଗ ଦେଇଥିବା ବେଳେ ଯୋଡା ପୌରପାଳିକାର ଅଧ୍ୟକ୍ଷ ଡ. ଜଗଦୀଶ ପ୍ରସାଦ ସାହୁ ଓ ଯୋଡା ପୌରପାଳିକାର ଉପାଧ୍ୟକ୍ଷା ସନ୍ଧ୍ୟା ପାତ୍ର ସମ୍ମାନିତ ଅତିଥି ଭାବେ ଯୋଗ ଦେଇଥିଲେ ।ଏହି ପରିପ୍ରେକ୍ଷୀରେ ପାର୍ଶ୍ଵବର୍ତ୍ତୀ ଅଞ୍ଚଳ ର ଯୁବ ପ୍ରତିଭାମାନଙ୍କୁ ନେଇ ଆୟୋଜିତ ଫାଇନାଲ ପ୍ରତିଯୋଗିତା ରେ ୧୪ ବର୍ଷ ରୁ କମ୍ ବର୍ଗରେ ଯୋଡା ଜାଗୁଆର୍ସ ଚାମ୍ପିଅନ୍ ହୋଇ ଥିବା ବେଳେ ବେନୁଆପାଣି ଦଳ ଉପ ବିଜେତା ହୋଇଛି I
ସେହିପରି, ୧୨ ଏବଂ ୧୦ ବର୍ଷ ରୁ କମ୍ ବର୍ଗରେ ବିଛାକୁଣ୍ଡି ଏବଂ ଗନ୍ଧଲପଦା ଦଳ ବିଜେତା ହୋଇଛନ୍ତି I ଅନୁରୂପ ଭାବେ, ବାଳିକା ବିଭାଗରେ ଯୋରିବାହାଲ କୁ ପରାସ୍ତ କରି ଯୋଡା ଦଳ ଚାମ୍ପିଅନ୍ ଟ୍ରଫି ହାସଲ କରିଛି I
୧୦ ବର୍ଷରୁ କମ୍, ୧୨ ବର୍ଷରୁ କମ୍ ଓ ୧୪ ବର୍ଷରୁ କମ୍ ଯୁବ ବର୍ଗରେ ଏହି ଟୁର୍ଣ୍ଣାମେଣ୍ଟରେ ମୋଟ ୩୨ଟି ଦଳ ଅଂଶଗ୍ରହଣ କରିଥିଲେ ।ଫେବ୍ରୁଆରି ୪ ତାରିଖରୁ ଆରମ୍ଭ ହୋଇ ଫେବ୍ରୁଆରି ୧୧, ୧୮ ଓ ୨୫ ତାରିଖରେ ଆୟୋଜିତ ଏହି ପ୍ରତିଯୋଗିତା ଉତ୍ସାହ ଓ ପ୍ରତିଯୋଗିତାର ବାତାବରଣ ସୃଷ୍ଟି କରିଥିଲା । ଏହି କାର୍ଯ୍ୟକ୍ରମରେ ଗ୍ରାମ ପଞ୍ଚାୟତର ବିଶିଷ୍ଟ ଓ ନିର୍ବାଚିତ ପ୍ରତିନିଧି, ୱାର୍ଡ କାଉନସିଲର ଓ ଟାଟା ଷ୍ଟିଲ ଫାଉଣ୍ଡେସନର ବରିଷ୍ଠ ଅଧିକାରୀମାନେ ଯୋଗ ଦେଇଥିବା ବେଳେ ଯୋଡ଼ାରେ ଫାଉଣ୍ଡେସନର ଇମ୍ପାକ୍ଟ କ୍ଲଷ୍ଟର ମୁଖ୍ୟ ରବୀନ୍ଦ୍ର କୁମାର ମଧ୍ୟ ଉପସ୍ଥିତ ଥିଲେ ।
ଏହି ରୋମାଞ୍ଚକର ପ୍ରତିଯୋଗିତାରେ ୨୨୫ ଜଣ ଉତ୍ସାହୀ ଯୁବ କ୍ରୀଡାବିତ୍ ସେମାନଙ୍କ ପ୍ରତିଭା ଓ କ୍ରୀଡ଼ାଦକ୍ଷତା ପ୍ରଦର୍ଶନ କରିଥିଲେ ।