ବୋୖଦ୍ଧ, ୨୦/୭ ପଶ୍ଚିମ ଓଡିଶା ବାର୍ତ୍ତା (ରଞ୍ଜନ କୁମାର ପାତ୍ର): କଣ୍ଟାମାଳ ବ୍ଲକର ବିଭିନ୍ନ ବିଦ୍ୟାଳୟ ଗୁଡ଼ିକରେ ଶିକ୍ଷକ ବଦଳି ପ୍ରତିବାଦରେ ସ୍କୁଲ ମାନଙ୍କରେ ତାଲାମାରି ଧାରଣାଦେଉଛନ୍ତି ଛାତ୍ର ଛାତ୍ରୀ ଓ ଅଭିଭାବକ । ଏଭଳି ଘଟଣା ଦେଖିବାକୁ ମିଳିଛି ବୌଦ୍ଧ ଜିଲ୍ଲା କଣ୍ଟାମାଳ ବ୍ଳକ ନାରାୟଣପ୍ରସାଦ ପଞ୍ଚାୟତ ଅନ୍ତର୍ଗତ ସିଲେଟପଡ଼ା ଉନ୍ନିତ ଉଚ୍ଚ ପ୍ରାଥମିକ ବିଦ୍ୟାଳୟର ଭାରପ୍ରାପ୍ତ ପ୍ରଧାନ ଶିକ୍ଷକ ପ୍ରଭାକର କଅଁରଙ୍କ ବଦଳିକୁ ନେଇ ଜୋର ଧରିଛି। ଗୁରୁବାର ସକାଳୁ ଛାତ୍ରଛାତ୍ରୀ, ସ୍କୁଲ କମିଟୀ ଓ ଅଭିଭାବକ/ଅଭିଭାବିକା ମାନେ ମିଳିତଭାବେ ସ୍କୁଲରେ ତାଲା ପକାଇ ପ୍ରତିବାଦ କରିଛନ୍ତି। ସୂଚନାମତେ, ଗତ ଦେଢ ବର୍ଷ ହେବ ଭାରପ୍ରାପ୍ତ ପ୍ରଧାନଶିକ୍ଷକ ଭାବେ ଯୋଗଦେଇଥିଲେ ଶ୍ରୀ କଅଁର। ସେ ଆସିବା ପରେ ବିଦ୍ୟାଳୟର ରୂପ ରେଖ, ବଦଳି ଯାଇଥିଲା । ତାଙ୍କର ଶିକ୍ଷାଦାନ ଉନ୍ନତମାନର ହୋଇଥିବା ହେତୁ ବିଦ୍ୟାଳୟରେ ୧୪୫ ଜଣ ଛାତ୍ରଛାତ୍ରୀଙ୍କ ଅତିପ୍ରିୟ ଶିକ୍ଷକ ହୋଇଯାଇଥିଲେ।ବର୍ତ୍ତମାନ ସରକାରୀ ସ୍ତରରେ ପ୍ରଧାନ ଶିକ୍ଷକ ଭାବେ ପଦୋନ୍ନତି ପାଇ ଅନ୍ୟତ୍ର ବଦଳି ହୋଇଥିବାରୁ ଛାତ୍ରଛାତ୍ରୀ ଅତିପ୍ରିୟ ଶିକ୍ଷକଙ୍କୁ ଛାଡିବାକୁ ନାରାଜ।ବଦଳି ଶିକ୍ଷକଙ୍କୁ ସ୍କୁଲରୁ ଘଉଡାଇ ଦେଇଥିଲେ ଏବଂ ଶ୍ରୀ କଅଁରଙ୍କୁ ନିଯିବାକୁ ଅଡି ବସିଥିଲେ।ଏ ଖବର ପ୍ରସାରିତ ହେବାପରେ ସ୍କୁଲ କମିଟୀ ଓ ଅଭିଭାବକମାନେ ମଧ୍ୟ ଶ୍ରୀ କହଁର ନଯିବାକୁ ଅନୁରୋଧ କରିଥିଲେ । ଏବିଷୟରେ କଣ୍ଟାମାଳ ବିଇଓଙ୍କୁ ଅନୁରୋଧ କରିଥିଲେ। ଏଥିପ୍ରତି ବିଭାଗୀୟ ଅଧିକାରୀ ଶିକ୍ଷକ ବଦଳିକୁ ବାତିଲ ହୋଇପାରିବ ନାହିଁ ଶୁଣି ଆଜି ସ୍କୁଲରେ ତାଲା ପକାଇ ପ୍ରତିବାଦ କରିଛନ୍ତି। ଆଜି ତାଲା ପଡିବା କଥା ବିଭାଗୀୟ ଅଧିକାରୀଗଣ ଜାଣି ସୁଦ୍ଧା କୌଣସି ସମାଧାନ କରିବା ଦିଗରେ ପହଞ୍ଚି ନ ଥିବାକୁ ସ୍କୁଲ କମିଟୀ ସଭାପତି ସଦାନନ୍ଦ ରଣା, ଉପାଧକ୍ଷ ଦେବେନ୍ଦ୍ର ପାଣିଗ୍ରାହୀ, ରାମେଶ୍ଵର ରଣା, କପିଳ ରଣା, ସ୍କୁଲ କମିଟୀର ସଦସ୍ୟ ଓ ଅଭିଭାବକ ମାନଙ୍କ ତରଫରୁ ନିନ୍ଦା କରାଯାଇଛି। ସେହିପରି ଶିକ୍ଷକ ବଦଳି ପ୍ରତିବାଦ ରେ ସ୍କୁଲ ଫାଟକରେ ତାଲା ମାରି ପ୍ରତିବାଦ କଲେ ଛାତ୍ର ଛାତ୍ରୀ ଓ ଅଭିଭାବକ I ଏଭଳି ଏକ ଘଟଣା ଦେଖିବାକୁ ମିଳିଛି କଣ୍ଟାମାଳ ବ୍ଲକ ଦପଲା ପଂଚାୟତର ପରିବନ୍ଦ ସ୍କୁଲରେ । ସ୍କୁଲରେ ପ୍ରଥମ ରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ଥିବା ବେଳେ ୪ଟି ଶିକ୍ଷକ ଥିଲେ ।କିନ୍ତୁ ଗତ କାଲି ସ୍କୁଲର ଅଶୋକ ପଧାନଙ୍କୁ ଅନ୍ୟତ୍ର ବଦଳି କରାଯାଇଛି । ଯାହା ଫଳରେ ଆଜି ସକାଳ ୧୦ ଘଣ୍ଟା ସମୟ ରେ ସ୍କୁଲ ଗେଟରେ ତାଲା ପକେଇ ପ୍ରତିବାଦ କରିଥିଲେ ଛାତ୍ର ଛାତ୍ରୀ I ସ୍କୁଲର ପ୍ରଧାନ ଶିକ୍ଷକଙ୍କୁ ଅନ୍ୟତ୍ର ବଦଳି କରି ଅଶୋକ ପ୍ରଧାନଙ୍କ ବଦଳି ରୋକିବାକୁ ଅଭିଭାବକ ଓ ଛାତ୍ର ଛାତ୍ରୀମାନେ ଦାବି କରିଛନ୍ତି ।
